„როგორც ჩანს ნიკა გვარამიას თავისიანებიც აღარ უჯერებენ (ან აღარ კადრულობენ ასეთი რაღაცების დაპოსტვას) და თვითონ დაიწყო ფეიკების დადება. ამ ბინძური მარიონეტის (ნიკა გვარამიას) ხედვა კიდევ ერთხელ უდასტურებს ჩვენს საზოგადოებას, რომ ნაც-ხროვა ერთხელ და სამუდამოდ უნდა მოცილდეს როგორც პოლიტიკურ რეალობას, ასევე, ქართულ ცნობიერებას!”, – ამის შესახებ საპარლამენტო უმრავლესობის წევრი, დავით მთიკაშვილი ,,ფეისბუქის” საკუთარ გვერდზე წერს.
დავით მათიკაშვილი ნიკა გვარამიას მიერ ბიძინა ივანიშვილის შესახებ გავრცელებულ ,,ფეიკ ნიუსს” ეხმაურება.
„ოჯახის ფენომენი სააკაშვილისთვის, გვარამიასა და მის მსგავსი ნაძირლებისთვის ბოლო ზღუდე იყო, რაც ვერც ტყუილებითა და ცილისწამებით, ვერც მოსყიდვითა და ტრადიციული ღირებულებების დევნითა და ვერც თოფ-იარაღით ვერ შებღალეს საქართველოში. რა თქმა უნდა, ბიძინა ივანიშვილი და მისი ოჯახი, მათ ცნობიერებაში არა მხოლოდ მათი მმართველობის, არამედ ნაციდეოლოგიის კრახის საფუძველია და ყველაზე უკადრებლის კადრებით არიან დაკავებულნი. ამ ბინძური მარიონეტის (ნიკა გვარამიას) ხედვა კიდევ ერთხელ უდასტურებს ჩვენს საზოგადოებას, რომ “ნაცხროვა” ერთხელ და სამუდამოდ უნდა მოცილდეს როგორც პოლიტიკურ რეალობას, ასევე, ქართულ ცნობიერებას!”, – წერს დავით მათიკაშვილი.