ყოფილი პრემიერი ბიძინა ივანიშვილი მიიჩნევს, რომ ქართულ პოლიტიკაში გენდერული თანასწორობა უხეშადაა დარღვეული. ამის შესახებ ბიინა ივანიშვილმა კახეთში, რეგიონალურ მედიასთან შეხვედრისას ისაუბრა:
“მცდელობა მქონდა, ვთხოვე ჩემს მეგობრებს პარლამენტში, თემურ ჭკუასელი იყო ინიციატორი. კვოტის დაწესებაც კი გვინდოდა, ვთხოვე თემურს, რომ იქნებ დაგვეწესებინა პარტიებისთვის კვოტები, რომ მეტი ქალბატონები ყოფილიყვნენ წარმოდგენილი პარლამენტშიც და მთავრობაშიც. მამაკაცი ვარ და არ მერიდება თქმა, რომ ჩვენ ძალიან გონიერი ქალბატონები გვყავს. მგონია ბუნებრივად უნდა გამოსწორდეს, თუმცა ცოტა ხელოვნურად დახმარება არ აწყენდა, მაგრამ არ დამიჯერეს მე პარლამენტში ამ კვოტის დაწესებაზე. ჭკუასელი ბობოქრობდა, სხვები ეხმარებოდნენ, მაგრამ ვერ გამოვიდა. ქალები, მეუღლეები მეორე ნახევრები არიან, ხშირად პირველ ნახევარს ვეძახი ჩემს მეუღლეს. მეუღლეებს აქვთ ეს როლი რეალურად“,- განაცხადა ივანიშვილმა შეკითხვაზე, რომ ქალები პოლიტიკაში, მთავრობაში დაბალანსებულად არ არიან წარმოდგენილები.