ფეხბურთელ გიორგი შაქარაშვილის საქმეზე დაკავებული ძიუდოისტის, გიგა ტატიაშვილის ადვოკატი გიორგი ყიფშიძე მისი დაცვის ქვეშ მყოფის მიმართ სისხლისსამართლებრივი დევნის შეწყვეტას მოითხოვს.
როგორც მცხეთის რაიონულ სასამართლოში პროცესის დაწყებამდე ჟურნალისტებს ყიფშიძემ განუცხადა, ის ტატიაშვილის გირაოს სანაცვლოდ გათავისუფლებას არ მოითხოვს, ის მისი დაცვის ქვეშ მყოფის აღკვეთის ღონისძიების გარეშე დატოვებას მოითხოვს.
“ჩვენი ძირითადი შუამდგომლობა იქნება, რომ გიგა ტატიაშვილის მიმართ სისხლისსამართლებრივი საქმე შეწყდეს და დაუყოვნებლივ იქნეს ის სხდომათა დარბაზიდან გათავისუფლებული, რადგან არ არსებობს წინადადება, სიტყვა, რომელიც დაადასტურებს კი არა, ეჭვს გააჩენს, რომ გიგა ტატიაშვილს რამე ტიპის დანაშაული აქვს ჩადენილი. ზოგადად, იმედი მაქვს, რომ სადღაც, რომელიღაც მოსამართლეს მინიმუმ სინდისი გაეღვიძება”, -განაცხადა ყიფშიძემ.
ცნობისთვის, გიგა ტატიაშვილს გჯუფური ძალადობის ორგანიზებას და მასში მონაწილეობას ედავებიან.