თბილისის მეტროპოლიტენის ახმეტელი-ვარკეთილის ხაზზე მატარებლების მოძრაობა აღდგენილია. მეტროს ამ მონაკვეთზე მატარებლების მოძრაობა დილის საათებში დროებით გაჩერებული იყო.
დღეს, 08:55 საათზე, მეტროსადგურში „ნაძალადევი“ ერთი მოძრავი შემადგენლობა დაზიანდა, რის გამოც საჭირო გახდა ახმეტელი-ვარკეთილის ხაზზე მატარებლების მოძრაობის დროებით შეჩერება. „ნაძალადევიდან“ დაზიანებული მოძრავი საშუალება დროებით სხვაგან გადაიყვანეს, რის შედეგადაც 09:30 საათზე ახმეტელი-ვარკეთილის ხაზზე მოძრაობა აღდგა.
კომენტარები