„სილქ როუდ ჯგუფის“ წარმომადგენელმა გიორგი რამიშვილმა საქართველოს ყოფილ პრემიერ-მინისტრ ბიძინა ივანიშვილს მადლობა გადაუხადა და წინა ხელისუფლების დროს შექმნილი პრობლემები გაიხსენა.
როგორც გიორგი რამიშვილმა განაცხადა, „სიქლროუდ ჯგუფს“ საქართელოში ბევრი ინიციატივა აქვს განხორციელებული.
“თბილისში, წინა მერიის დროს დიდი პრობლემები შეგვექმნა, რადგან გადაწყვეტილება იყო მიღებული, რომ ჩვენს ტერიტორიაზე, მოედანზე სასტუმროს წინ, 10 მეტრში საბაგირო გაეკეთებინათ, რაც იქნებოდა ყველა სტანდარტის უხეში დარღვევა. თბილისი კი დადგებოდა იერსახის დამახინჯების წინაშე. ეს ამხელა ინფრასტრუქტურა, ამხელა აგრეგატი რუსთაველის თავზე უნდა გადაევლო. დაგვჭირდა უამრავი ბრძოლა, უამრავი წვალება და დღეს ბიძინა ივანიშვილის დამსახურებაა. მას მინდა მადლობა ვუთხრა, რომ ჩვენ დავიბრუნეთ ზუსტად ის ცენტრი, გრძელდება მოედნის განვითარება და ჩვენ ვახორციელებთ ინვეტიციებს”, – განაცხადა გიორგი რამიშვილმა.
როგორც ბიზნესმენმა აღნიშნა, პრემიერ-მინისტრ გიორგი კვირიკაშვილთან სისტემურად აქვს შეხვედრები.
„ყოველთვის მიდის დებატები, ყოველთვის მიდის საუბარი ეს ნორმალური პროცესია. რაც შეეხება თბილისის ცენტრს, მინდა მოგილოცოთ, რომ გრძელდება ძალიან მაგარი პროექტი. იქნება ძალიან ბევრი წყალი, ბევრი გამწვანება, მანქანები ჩავა მიწის ქვეშ და იქნება ძალიან კარგი ადგილი. ეს კაცი დამეხმარა, რომ ჩვენ გავაგრძელოთ ინვესტიციები”, – განაცხადა გიორგი რამიშვილმა.