“ის, რაც სააკაშვილს ყოველთვის სჭირდება და რაც მისი პირიდან არ ამოდის, არის სიტყვა დესტაბილიზაცია, აფეთქება და მკვლელობა”

რეჟისორი ქეთი დოლიძე „თავისუფალი ზონის“ წევრების იმ განცხადებას ეხმაურება, რომლის თანახმადაც მიხეილ სააკაშვილს არჩევნების შემდეგ ქვეყანაში დესტაბილიზაციის მოწყობა სურდა.

როგორც “კვირასთან” საუბრისას მან განმარტა, „ნაციონალურ მოძრაობას“ ამისთვის არანაირი რესურსი არ გააჩნია.
„ჩვენ ძალიან ძლიერი სახელმწიფო გვაქვს. დესტაბილიზაციას ის არასდროს დაუშვებს. ის, რაც სააკაშვილს ყოველთვის სჭირდება და რაც მისი პირიდან არ ამოდის, არის სიტყვა დესტაბილიზაცია, აფეთქება და მკვლელობა. ეს არის მისი, ასე ვთქვათ საარსებო წყარო. ის როგორც ვამპირი, ისეა და მხოლოდ ამით საზრდოობს. მე მას არ ვიღებ სერიოზულად. არც მსოფლიო უყურებს სერიოზულად. ის ხელმოცარული, ავადმყოფი, შიზოფრენიკი კაცია. რა მნიშვნელობა აქვს, რას ლაპარაკობს. დესტაბილიზაციის მოსაწყობად მას არანაირი რესურსი არ გააჩნია“, – განაცხადა დოლიძემ.