საინფორმაციო სააგენტო “ექსკლუზივ ნიუსის” დამფუძნებელი, ჟურნალისტი დარეჯან ლიპარტელიანი სოციალურ ქსელში პოსტს აქვეყნებს, რომლითაც მთავრობის ადმინისტრაციის პიარ-სამსახურის თანამშრომლის ეკა სოსელიას დის, ნინო სოსელიას განცხადებას ეხმაურება.
“ეს ის მომენტია… როცა ერთი და, – ეკა სოსელია, პრემიერის, – გახარიას პიარში რომ არის დასაქმებული და მეორე და, – ნინო სოსელია, – ბიძინა ივანიშვილს მიწასთან რომ ასწორებს; – ლანძღავს და ხალხს, ჩვენ ამომრჩევლებს, არქიფოს მონებად მოგვიხსენიებს, ეს რა, ნორმალურია??… თუ მართლა ნორმალური, ქართული ოჯახი გაქვთ და მართლაც, უჯიშოები და გადაგვარებული ხალხი არ ხართ, მაშინ საკუთარი დის პოზიცია, წესით უნდა გაითვალისწინოთ ქალბატონო ნინო და აქ, საჯაროდ, ენა არ უნდა წაიგრძელოთ, ნაცების დასაცავად და მთავარი, ქართველი ხალხი, საჯაროდ არ უნდა გალანძღოთ. რის რუსეთი, რა რუსეთი, რუსეთის დანიშნული კაცი საქართველოში იყო მიშა და კიც დაგვისვეს რუსებმა, თავიანთი კაცი უპრობლემოდ, ეს ახსოვს ყველას.. მიშამ, რომელმაც რუსებს უფეშქაშა, საქართველოში მდებარე, ყველა სტრატეგიული მნიშვნელობის ობიექტი და უმთავრესი, – ქვეყნის ტერიტორიის 20 %-ი. ზუსტად და ნამდვილად, სანამ თქვენნაირად მოაზროვნე ხალხი იარსებებს, ამ ჩვენს დალოცვილ ქვეყანაში, მანამ იქნება, ეს აგრესიული და ზიზღით სავსე, ქართველების სისხლს მოწყურებული ნაცების ბოგინი…
ჩვენ, ყველაფრის ღირსნი ვართ და უკვე, არც არაფერი მიკვირს… ერთი და, მუშაობს პრემიერთან და ფინანსდება ამ ხელისუფლებისგან, მეორე და კი ლანძღავს ამ ხელისუფლებას და ამომრჩევლებს მონებად მოგვიხსენიებს. ეს შეიძლება, მხოლოდ საქართველოში მოხდეს.
და მაინც, ყველაფერი ძალიან მაგრად იქნება! “
