ნიკა გვარამია სოციალურ ქსელში, ინგა გრიგოლიას გვერდზე პოსტს აქვეყნებს.
“პირველი ხუთი დღე მარტო ცილები – ხორცი, თევზი, ქათამი, ყველი, კვერცხი (მაქსიმუმ 2 დღეში), რძის პროდუქტები – ყველაფერი რაც ნაკლებად ცხიმიანი, უკეთესი. პლიუს თხილეული (თხილი, ნიგოზი, მიწის თხილი, მზესუმზირა და ა.შ.)
ჭამე როცა გინდა, მათ შორის, ღამე. რაც ნაკლები უკეთესი. თუმცა ნუ იშიმშილებ. მარილი, წიწაკა, მდოგვი და ა.შ შეიძლება, ზომიერად. წყალს გაურიე ლიმონის ფრეში და ისე სვი, გაგიმარტივებს დიეტას. 2 ლიტრი წყალი დღეში. ყავა და ჩაი შეუზღუდავად, ცხადია, უშაქროდ.
სრულიად გამორიცხულია ყველაფერი დანარჩენი.
– შემდეგი ეტაპი, სანამ სასურველ წონამდე არ მიხვალ. ერთი დღე ზემოთ დაწერილი დიეტა, მეორე დღე, ცილებს პლიუს ბოსტნეული. ოღონდ, შერეულ დღეებში რვის მერე აღარ ჭამო.
სრულიად გამორიცხულია მთელი დიეტის განმავლობაში: შაქარი, ცომეული, ბურღულეული, კარტოფილი, მარცვლოვანი ბოსტნეული (ბარდა, ლობიო, სიმინდი) და ხილი. თუ ძალიან მოგინდება ხილი, გააკეთე განტვირთვის დღე და მარტო ხილი ჭამე მთელი დღე.
როცა მიაღწევ სასურველ წონას, მომაკითხე და დანარჩენს მერე მოგიყვები”