ბოკერია დღითიდღე ყალიბდება თბილისელ კობა ხაბაზად, – განაცხადა თბილისის მერმა, კახა კალაძემ მედიის მიერ დასმული შეკითხვის საპასუხოდ, გიგა ბოკერიას მიერ გაკეთებული განცხადებების შესახებ.
„გიგა ბოკერია ნამდვილად არ არის საინტერესო. გიგა ბოკერია არის ნათელი მაგალითი იმის, თუ როგორ შეიძლება ადამიანმა გააუბედუროს საკუთარი პარტია და ეს შეიძლება პოლიტტექნოლოგიების სასწავლო სახელმძღვანელოებში შევიტანოთ. დღითიდღე ბოკერია ყალიბდება თბილისელ კობა ხაბაზად“, – განაცხადა კალაძემ.
ცნობისთვის, „ევროპული საქართველოს“ ერთ-ერთი ლიდერის, გიგა ბოკერიას განცხადებით, „ნაციონალური მოძრაობისთვის“ საარჩევნო რეგისტრაციის შესაძლო გაუქმება „პუტინის რუსეთის მოდელია“. როგორც ბოკერია აღნიშნავს, „ქართული ოცნება“ ამ მეთოდით ავტორიტარული რეჟიმის დამყარებას ცდილობს.
კომენტარები