“საზოგადოებას, რომელსაც არ შეუძლია თავის პოლიციელებს, მასწავლებლებს და ექიმებს პატივი სცეს, მომავალი არ აქვს და ვერ ექნება”

მჯერა და მწამს, რომ თქვენ ყველა, იმის მიუხედავად, თუ რამდენი ხანია მუშაობთ სკოლაში, ხართ გმირები იმის გამო, რომ ეს პროფესია აირჩიეთ, – აღნიშნული განცხადება დღეს პედაგოგებთან შეხვედრისას განათლებისა და მეცნიერების მინისტრმა ალექსანდრე ჯეჯელავამ გააკეთა.
ჯეჯელავამ მასწავლებლებს პირობა მისცა, რომ ამ მიმართულებით მთავრობისა და სამინისტროს მხრიდან კონკრეტიულ ნაბიჯებს ყოველდღიურად დაინახავენ.
”ჩვენ უნდა მოვახერხოთ, რომ ის ხალხი, ვინც ამას იმსახურებს და ჩვენი პედაგოგები სწორედ რომ იმსახურებენ, იყვნენ ერთ-ერთი ყველაზე მაღალდაფასებული. არ ვგულისხმობ მხოლოდ მატერიალურ დაფასებას, ვგულიხმობ – პრესტიჟს და საზოგადოების დამოკიდებულებას თქვენს მიმართ. მჯერა და მწამს, რომ თქვენ ყველა, იმის მიუხედავად, თუ რამდენი ხანია მუშაობთ სკოლაში, ხართ გმირები იმის გამო, რომ ეს პროფესია აირჩიეთ. მინდა ამისთვის მადლობა გითხრათ. მადლობას ჩვენი გუნდისგან სიტყვითაც და საქმითაც დაინახავთ და გაიგებთ. საზოგადოებას, რომელსაც არ შეუძლია თავის პოლიციელებს, მასწავლებლებს და ექიმებს პატივი სცეს, მომავალი არ აქვს და ვერ ექნება”, – მიმართა პედაგოგებს ალექსანდრე ჯეჯელავამ.