არ შეიძლება მასწავლებლის გამოცდა – ის გამოსცადა ცხოვრებამ, ათასმა უკუღმართობამ და სირთულემ, – აღნიშნული განცხადება განათლებისა და მეცნიერების მინისტრმა ალექსანდრე ჯეჯელავამ საგამოფენო ცენტრ ”ექსპო ჯორჯიაში”, პედაგოგებთან შეხვედრისას გააკეთა.
მინისტრმა მასწავლებეთა შეფასების სქემასა და გამოცდებზე გაამახვილა ყურადღება. ”კვალიფიკაციას დადასტურება და ამაღლება სჭირდება, მაგრამ მე მრცხვენია, გამოვცადო ადამიანი, რომელიც 30-წელია ასწავლის. არ შეიძლება მასწავლებლის გამოცდა – ის გამოსცადა ცხოვრებამ, ათასმა უკუღმართობამ და სირთულემ. ჩვენ შეგვიძლია მას მხოლოდ დავეხმაროთ და ხელი შევუწყოთ”, – ჯეჯელავას ამ განცხადებას შეხვედრაში მონაწილე პედაგოგები ტაშით შეხვდნენ.
კომენტარები