ოპოზიცია ცდილობს, ჩიხისკენ წაიყვანოს პროცესი. ცალსახად და მკაფიოდ აცხადებენ, რომ მათთვის ყოველგვარი არგუმენტის, დასაბუთებისა და მტკიცებულების წარმოდგენის გარეშე ერთადერთი მისაღები გამოსავალია დაინიშნოს ხელახალი არჩევნები. ამაზე ჩვენ კატეგორიულად ვამბობთ, რომ ასე ვერ მოხდება, – აცხადებს „ქართული ოცნების” დეპუტატი, ბექა დავითულიანი.
„გადავთვალოთ ნებისმიერი უბანი, გადავთვალოთ 1 500 უბანი, იყო ასეთი შეთვაზება. თუ დადასტურდება, რომ თუნდაც 1%-იანი სარგებელი არაკეთილსინდისიერად, უპირატესობა მინიჭებული აქვს „ქართულ ოცნებას”, მაშინ ყველაფერზე თანახმა ვართ. ისინი ამაზე არ მოდიან. მათ არ სურთ, რეალური სურათი დაანახონ საზოგადოებას, მათ სურთ მოდელირებული გაყალბების ქრონიკა შექმნან და ამაში ვერ გავყვებით. თვითონ შეჰყავთ პროცესები ჩიხში. ჩვენ გამოსავალს ვთავაზობთ, რომელშიც, ჩვენი აზრით, უნდა ჩაერთონ“, – განაცხადა ბექა დავითულიანმა.