“რუსთავი 2”-ის გენერალური დირექტორი, ნიკა გვარამია აცხადებს, რომ საქალაქო სასამართლოს ყოფილ თავმჯდომარე, მამუკა ახვლედიანთან საუბარი თავად ჩაწერა
გვარამია აცხადებს, რომ შესაბამისი ტექნიკით აღჭურვილმა ახვლედიანთან საუბარი თავად ჩაწერა, შემდეგ, ეს პირად კომპიუტერში განათავსა. თუ როგორ მოხდა ჩანაწერის გავრცელება, გვარამიასთავის უცნობია.
“ეს მოვლენები დაახლოებით ერთი წლის წინ ხდებოდა, როცა ჩვენი საქმის პიკი იყო. ჩემს კოლეგებს, ამასთან დაკავშირებით ვესაუბრე და მივიღე რჩევა, რომ შესაბამისი ტექნიკით ვყოფილიყავი აღჭურვილი. ყველაზე პრობლემატურია, როგორ მოხდა ჩემ მიერ გაკეთებული ფარული ჩანაწერი ქსელში, ეს ჩანაწერი მაშინვე განადგურდა, იყო ჩემს კომპიუტერში დაცული, ის კომპიუტერი საერთოდ აღარ მაქვს, საქმე გვაქვს ახალ დანაშულთან, ეს არის კიბერდანაშაული, ყველას გვაქვს ეს ჩანაწერი მოსმენილი, კიდევ რამდენიმე წუთი გრძელდება ეს ჩანაწერი”, – განაცხადა ნიკა გვარამიამ.
შეგახსენებთ, ტელეკომპანია “რუსთავი 2”-ის გენერალური დირექტორისა და საქალაქო სასამართლოს ყოფილი თავმჯდომარის ფარული აუდიოჩანაწერი რამდენიმე საათის წინ გავრცელდა. აუდიოჩანაწერში საქალაქო სასამართლოში შექმნილ ვითარებაზეა საუბარი, სადაც მამუკა ახვლედიანი უზენაესი სასამართლოს თავმჯდომარეს ნინო გვენეტაძეს “სავარჯიშო ბალიშად” მოიხსენიებს, სისტემაში საქმეების რაოდენობის კუთხით შექმნილ ვითარებას კი, “კატასტროფად” აფასებს.
კომენტარები