“ოჯახი თავისუფლებისა და ზოგადსაკაცობრიო ღირებულებების ბასტიონი”-ასე ჰქვია კონგრეს, რომელზე შეკრებილებსაც ვასაძემ მიმართა. ვასაძე ამბობს, რომ დასავლეთის “გავლენის ნარჩენები ემყარება მის ე.წ. მხარდაჭერას საქართველოს ტერიტორიული მთლიანობისა, რუსული ოკუპაციის პირობებში”. მისივე თქმით, საქართველომ რუს ხალხთან ერთად გაუძლო და დაამარცხა ფაშიზმი და ასევე კომუნიზმი, რომელიც მისი განცხადებით, “მოსული იყო ჩვენთან დასავლეთიდან”.
“ჩვენს რუს ხალხთან ერთად, ჩვენ გავუძელით და თავიდან მოვიშორეთ და დავამარცხეთ ჯერ ფაშიზმი, შემდეგ კომუნიზმი, ორივე მოსული ჩვენთან დასავლეთიდან. დასავლეთი განაგრძობს ყოველგვარ შეუნანებლობას, საქართველოში თავისი ქმედებების გამო. მისი გავლენის ნარჩენები ემყარება მის ე.წ. მხარდაჭერას საქართველოს ტერიტორიული მთლიანობისა, რუსული ოკუპაციის პირობებში. ის დღე, როდესაც კრემლი მიხვდება, ბოლოსდაბოლოს, ამას და ითავებს შერიგებას, თბილისსა და სოხუმს და თბილისსა და ცხინვალს შორის, იქნება დღე, როდესაც დასავლეთი დაკარგავს საქართველოს საბოლოოდ. მე ამასაც ვამბობ ნამდვილი სინანულით, რადგან მჯერა, რომ საქართველოს შეუძლია იყოს ჭეშმარიტად დამოუკიდებელი”, – განაცხადა ვასაძემ.