წერილი „პრაიმტაიმს“ ოკუპირებული ოჩამჩირის რაიონ სოფელ აჩიგვარიდანმოსწერეს, სადაც გალში მცხოვრები ქართველების უმძიმესი ყოფაა აღწერილი.
წერილის ავტორი ახალგაზრდა ქალი, რომელსაც პატარა ქალიშვილი ჰყავს, საქართველოს ხელისუფლებისგან 5-დღიანი კარანტინის დაუყოვნებლივ მოხსნას ითხოვს. „პრაიმტაიმი“ წერილს უცვლელად გთავაზობთ.
„მე გწერთ ოკუპირებულ აფხაზეთიდან. ყველა აქ მცხოვრები ქართველის სახით მინდა მივმართო საქართველოს მთავრობას! უკვე წელიწადზე მეტია რაც საზღვარი ჩაკეტილია, და ნუ თუ არ გებრალებათ თქვენი მოქალაქეები? იცით რამდენი რამ გვჭირდება მაგრამ არგაგვაჩნია? თქვენ იცით რას ნიშნავს 3თვის ჩვილი ბავშვით ენგურის საზღვრის გადალახვა? მე ვიცი რა შეგრძნებაა, იმიტომ რომ მე სწორად ჩემი პატარა ანგელოზით ხელში გადავლახე ეს საშინელი გზა, რათა ბავშვს სჭირდებოდა სწორი დიაგნოზი. მე ჩემი დარჩენილი წლების ნახევარი იმ მდინარეს გავაყოლე… ახლა კი მინდა გითხრათ ის, რომ ამ შემზარავმა ამბავმა რომელიც მოხვდა 06.04.2021 გული გაუცრემლიანა მთელ ერს. თქვენ არ თვლით ოდნავ მაინც თავს დამნაშავედ, საქართველოს მთავრობა? იცით თუ არა რატომ რისკავენ ათეულობით ხალხი ე.წ. დაბალი ზონითსაზღვრის გადალახვას? – შვილები მშივრები ჰყავთ, საჭმლის ფული არ გააჩნია უმრავლესობის ნაწილს.
იმ 4 ადამიანიდან, ვინც ემსხვერპლა ტრაგედიას, ერთ-ერთ მათგანს, კონკრეტულად კი ცატავა თამუნას შეეძლო ცენტრალური გზით გადასვლა, მაგრამ ბავშვებს ვერ ტოვებდა 5 დღით, რადგან უფროსი შვილი ავადმყოფი ჰყავს, მაგრამ სამუდამოდ მოუწია შვილების ობლად დატოვება. სწორად უფროსი შვილის მედიკამენტებზე გადადიოდა. ალბათ, იკითხავთ და იქ არ იშოვნიდაო მედიკამენტებსო? მაგრამ პასუხს მე გაგცემთ, იშოვნიდამაგრამ არ გააჩნდა მაგის ფული, ზუგდიდში კი დევნილების შემწეობის ბარათს ჰქონდა ვადა გასული და მაგის გაცვლას აპირებდა, და შემწეობის დარიცხული ფულის განაღდებას.
ასევე ცოლ-ქმარიც აპირებდნენ ბარათების შეცვლას, რადგან შვილიშვილი შეეძინათ და უნდოდათ ბავშვის თვის ახალშობილის ნივთების და სარწევი საწოლის ყიდვა! მაგრამ ვერ შეასრულეს თავიანთი მიზნები და ობლად დარჩნენ მათი არასრულწლოვანი შვილები. და თქვენ საქართველოს მთავრობა, რა პასუხს გასცემთ ამ გულამოგლეჯილ ოჯახებს? თუ აფხაზეთი საქართველოა, რატომ დაუწესეთ აქ მცხოვრებ ხალხს კარანტინი 5-დღიანი, რატო არ დაუწესეთ უცხო ქვეყნიდან დაბრუნებულ მოქალაქეებს? თან აფხაზეთში ყველაზე ნაკლები კოვიდინფიცირებული ხალხის რიცხვი იყო!
ჩვენ ყველა, ქართველები ვითხოვთ კარანტინის მოხსნას და მიმოსვლის აღდგენას…და კიდევ ერთ რაღაცას დავუმატებ, იცით რას ნიშნავს საფლავიც რომ გენატრება მშობლის? მე მამაჩემის საფლავი მენატრება, რომელიც წელიწადნახევარია არ მაქვს ნანახი. იმ ობოლ ბავშვებს ალბა, დაუწესებთ ერთჯერად დახმარებებს, ფუ სირცხვილი. და საერთოდ ყველა აქ ჩარჩენილ ქართველს უკანასკნელ დონემდე გვიჭირს ლუკმა პურის შოვნა…მიიღეთ ზომები და აღადგინეთ მიმოსვლა! თუ იცით ქართველობა რას ნიშნავს და თუ აფხაზეთი საქართველოა, მაშინ მოხსენით კარანტინი!“, – გვწერს 24 წლის რადმილა ჭანტურია.
შეგახსენებთ, 7 აპრილს მდინარე ენგურს 4 ქართველის სოცოცხლეშეეწირა. ისინი ე.წ. ფონით ცდილობდნენ საზღვრის გადალახვას.