საქართველოს რესტორატორთა ასოციაციის დამფუძნებელი და ხელმძღვანელი, შოთა ბურჯანაძე აცხადებს, რომ არსებულ ეპიდვითარებას თითოეული ბიზნესოპერატორი დიდი პასუხისმგებლობით უნდა მოეკიდოს.
„წვეულებების გამართვა იქნება თუ ივენთის, ეს არ არის მხოლოდ და მხოლოდ იქ მყოფი ადამიანების პრობლემა, რომლებიც თავის ნათესავის მეგობრებს საფრთხეს უქმნიან, არამედ ეს არის საზოგადოების პრობლემა და ამას ძალიან დიდი პასუხისმგებლობით უნდა მოეკიდოს თითოეული ბიზნესოპერატორი. ვიღაცების რაღაც კუნტრუშმა არ უნდა გადაიყოლოს ქვეყნის ფასეულობები,” – განაცხადა საქართველოს რესტორატორთა ასოციაციის დამფუძნებელმა „რუსთავი 2“ – თან საუბრისას.
ამ დროისთვის საქართველოში კორონავირუსის 288 396 შემთხვევაა დადასტურებული. მათ შორის გამოჯანმრთელდა 277 303, გარდაიცვალა 3 877 პაციენტი.
კომენტარები