მამა შალვა კეკელიამ, “თბილისის ვაკის მაცხოვრის ფერიცვალების სახელობის ტაძრის” Facebook გვერდზე გამოქვეყნებულ ვიდეომიმართვაში “პრაიდის კვირეულზე” ისაუბრა.
“მე უკან დამხევი აღარა ვარ, მე ერს არ გაგარყვნევინებთ, მე ერს არ გაგანადგურებინებთ, მე ამ ქვეყანაში შვილები მეზრდება, მე ამ ქვეყნიდან წასვლას არ ვაპირებ. მე მინდა, რომ ჩემი შვილები ამ ქვეყანაში გავზარდო, სადაც ღირებულებების და ფასეულობების ქვეყანაა.
ჩვენ არ ვართ ძალადობის მომხრე, როგორ შეიძლება მღვდელი ძალადობის მომხრე იყოს. მაგრამ არავის არ მივცემთ ქადაგების უფლებას ჩვენს ქვეყანაში. მათ თავისუფლად შეუძლიათ, პირველიდან ხუთამდე აქვთ დაანონსებული პრაიდი, ღამე ჩუმად გაიარონ, მაგრამ ისინი გვეუბნებიან, რომ ჩვენ გავივლით და ვერაფერს ვერ გვეტყვით. რადგან ასე გვეუბნებიან და ომი გამოგვიცხადეს, ჩვენ ვეტყვით თქვენ ვერ გაივლით, ვერასოდეს ვერ იქადაგებთ ამას. თქვენ დადიხართ ყოველდღე რუსთაველზე და სიარულს არავინ არ გიშლით. მე აგერ ვაკეში ვზივარ და ყოველდღე დადიან ასეთი ადამიანები, არასდროს აგრესია არ გამოგვიხატავს მათ მიმართ, მაგრამ თუ ისინი მოვლენ და ჩემ შვილს დაეჩალიჩებიან, ცუდად მოიქცევიან, არ გაპატიებთ ამას. ხვალ და ზეგ სახლში შემოგვივარდებით და სახლიდან წაიყვანთ ჩვენ შვილებს. მოვუწოდებ ყველას, ეს არის გადამწყვეტი ბრძოლა, საით წავა ჩვენი ქვეყანა, ყველანი 5-ში უნდა შევიკრიბოთ, ქაშუეთში, რუსთაველზე.