მედიის წარმომადგენლებზე მსგავსი ტიპის ძალადობას გამართლება არ აქვს, – ასე შეაფასა საქართველოს ფინანსთა მინისტრმა, ლაშა ხუციშვილმა რუსთაველის გამზირზე განვითარებული მოვლენები.
მისი თქმით, მთავრობა და შინაგან საქმეთა სამინისტრო ყველაფერს გააკეთებენ, რათა სწორად და დროულად შეფასდეს აღნიშნული ფაქტები.
„პირველ რიგში, მინდა, გამოვეხმაურო მედიის წარმომადგენლებზე განხორციელებულ ფაქტებს, რამაც მათი ჯანმრთელობის დაზიანება გამოიწვია. აღნიშნული ფაქტები ყოვლადმიუღებელია და მედიის წარმომადგენლებზე მსგავსი ტიპის ძალადობას არანაირი გამართლება არ აქვს. შესაბამიისად, დარწმუნებული ვარ, მთავრობა და შინაგან საქმეთა სამინისტრო ყველაფერს გააკეთებენ, რათა სწორად და დროულად შეფასდეს ეს ფაქტები და მოხდეს პრევენცია, რათა მსგავსი რამ აღარ განმეორდეს“, – განაცხადა ხუციშვილმა.
იგი დარწმუნებულია, რომ თავიდან იქნება აცილებული დაპირისპირება. მინისტრმა აღნიშნა, რომ პრემიერის განცხადებაც მიმართული იყო სწორედ იმისკენ, რომ ყოველგვარი ტიპის დაპირისპირება თავიდან იყოს აცილებული.