ქართველმა ჩოგბურთელმა ნიკოლოზ ბასილაშვილმა ბრწყინვალე გამარჯვება მოიპოვა.
რამდენიმე წუთის წინ დასრულებულ მატჩში, რეიტინგში ასეულს მიღმა მყოფმა 24 წლის ნიკამ, რეიტინგში მეათე პოზიციაზე მყოფი, გამოცდილი ჩეხი ტომაშ ბერდიხი დაამარცხა.
ავსტრიაში მინდინარე Erste Bank Open-ის სახელით ცნობილ ტურნირის ძირითად ბადეში თავისი პირველი შეხვედრის მოსაგებად ნიკას 2 საათ ნახევარზე მეტი დასჭირდა.
ბასილაშვილმა პირველი სეტი შედარებით იოლად ანგარიში 6-4 მოიგო. ქართველმა ჩოგბურთელმა მეორე სეტი ტაიბრეიკზე 7-6 წააგო, რის შემდეგაც მესამე ხელში 4-1 დაწინაურდა, თუმცა მეტოქეს გათანაბრების საშუალება მისცა.
საბოლოოდ ნიკამ შეძლო დარჩენილი ძალების მობილიზება და კვლავ ტაი ბრეიკში გადასული თამაში საბოლოოდ 7-5 მოიგო. ბასილაშვილის მორიგი მეტოქე, რუსი კარენ კაჩანოვი იქნება და ეს შეხვედრა 27 ოქტომბერსაა დანიშნული. ძირითად ბადეში გასვლამდე კი ქართველმა ჩოგბურთელმა, საკვალიფიკაციო ეტაპზე ჯერ ტომაზ ბელუჩი 6:2, 7:6 დაამარცხა, ხოლო შემდეგ მოლდოველ რადუ ალბორტს სძლია სამ სეტში 6:3, 0:6, 6:3.