მოხარული ვარ, რომ დეპუტატები პარლამენტში დაბრუნდნენ, რომელიც დებატების გასამართად საუკეთესო ადგილია. ახლა ყველა პარტიამ ხელი უნდა მოაწეროს 19 აპრილის შეთანხმებას და მის იმპლემენტაციაზე იმუშაოს, – ამის შესახებ ევროკომისარი სამეზობლო პოლიტიკისა და გაფართოების საკითხებში ოლივერ ვარჰეი Twitter-ზე წერს.
„შევხვდი საქართველოს პარლამენტის თავმჯდომარეს, კახა კუჭავას და ყველა საპარლამენტო პარტიის წარმომადგენლებს. მოხარული ვარ, რომ დეპუტატები პარლამენტში დაბრუნდნენ, რომელიც დებატების გასამართად საუკეთესო ადგილია. ახლა ყველა პარტიამ ხელი უნდა მოაწეროს 19 აპრილის შეთანხმებას და მის იმპლემენტაციაზე იმუშაოს. ასევე განვიხილეთ გასული ორი დღის განმავლობაში განვითარებული მოვლენები. ძალადობა და ვანდალიზმი სრულიად მიუღებელია. ყველამ მხარი უნდა დაუჭიროს გამოხატვის თავისუფლებას, რომელსაც არ შეეშლება ხელი ძალადობით ან დისკრიმინაციით. მადლობას ვუხდი პარლამენტს, რომ ევროკავშირის დროშა თავის კუთვნილ ადგილს დაუბრუნდა“, – წერს ოლივერ ვარჰეი.