“რეალურად, სწორედ მეუფე იოანე გამრეკელი იყო ადამიანი, რომელმაც ბიძგი მისცა ჩემზე განხორციელებულ ძალადობას”- ფორმულას ჟურნალისტი, რატი წვერავა, მეუფე იოანეს პასუხობს, რომელმაც თქვა, რომ 5 ივლისს ჟურნალისტმა პერანგი თავად შემოიხია, ქუჩის მეორე მხარეს გაიქცა და ჩხუბი თავად დაიწყო.
“კიდევ კარგი, რომ ტელევიზიის მიერ გადაღებული კადრები არსებობს და ფოტოები, სადაც ჩანს, თუ როგორ ძალადობენ ჩემზე, თორემ დარწმუნებული ვარ, ეს ადამიანები სწორედ ამ ვერსიას განავითარებდნენ, რომ თურმე, მე მივიყენე დაზიანებები”.- ამბობს რატი წვერავა მთავარ არხთან.
კადრებში ჩანს, რომ წვერავა მეუფე იოანესთვის კითხვის დასმას ცდილობდა, რა დროსაც ძალადობრივი ჯგუფის წევრებმა ადგილიდან გაიყვანეს – ჟურნალისტს ქაშუეთის მიმდებარე ტერიტორიასთან ათობით “ორკი” ფიზიკურად გაუსწორდა.
კომენტარები