თბილისის ზოოპარკი სოციალურ ქსელში საინტერესო ფოტოს აქვეყნებს.
”ამასწინათ დათვებისა და მგლების ნაყინების ფოტოები რომ გაგიზიარეთ, ხომ გახსოვთ? ის ერთი და საჩვენებელი ფაქტი კი არ იყო. ზაფხულში ჩვენი ბინადრები სისტემატურად იღებენ ჩაციებულ ხილსა და ბოსტნეულს. ამჯერად მენაყინემ ჩლიქოსნებს ჩამოუარა და სულ ფერად-ფერადი, გემრიელი და სასარგებლო ხილ-ყინულები დაურიგა. ჰოდა, ცოტა სასაცილოა-ხოლმე, რომ გვეჩხუბებიან, რა ნაყინი ხალხო, საჭმელი აჭამეთ საწყალ ცხოველებსო. აბა, დავფიქრდეთ, რომელი უფრო ადვილია, ამდენი პროდუქტის რეცხვა, ჭრა, გაყინვა და დარიგება, თუ თივის დაყრა? თუ ჭკუამხიარული ხალხი ვართ და ნაყინების ყინვა გვეხალისება და კოპტონის დაყრა გვეზარება? რანაირად წარმოსადგენია ახლა ეგ ამბავი?
ჰო, ისე მხიარულები კი ვართ. ისიც შეცდომით ჰგონიათ-ხოლმე, რომ საქმეს ვინც აკეთებს, აუცილებლად კოპებშეკრული და უაღრესი სერიოზულობით გამსჭვალული, ცალწარბაწეული და ზემოდან ამაყად მომზირალი ზეადამიანი უნდა იყოს.”