კორონავირუსით ინფიცირებული სამივე ბავშვის მდგომარეობა კვლავ სტაბილურად მძიმეა, – ამის შესახებ ციციშვილის სახელობის კლინიკის სამედიცინო დირექტორმა, მაია ჩხაიძემ განაცხადა.
მაია ჩხაიძის თქმით, ახალშობილი, რომელსაც “ინდური” შტამი დაუდასტურდა, ოკუპირებული აფხაზეთიდან გადმოიყვანეს და მისი მდგომარეობა განსაკუთებით მძიმეა.
,,სამივე რჩება მართვით სუნთქვაზე. სამივეს მდგომარეოაბა ისევ სტაბილურად მძიმეა. სექვენირების პასუხი ჯერ არ მოსულა. სპეციფიკური „პისიარ“ ტესტით ერთს აქვს დადასტურებული „დელტა“ შტამი, მეორეს დადასტურებული აქვს ბრიტანული შტამი. განსაკუთრებით მძიმე მდგომარეობა არის „დელტა“ შტამით დადასტურებულ პაციენტთან. ახალი პარამეტრების მხრივ არაფერი არ არის, არც ცვლილებები ლაბორატორიულ კვლევებში არ არის ამ ეტაპზე.
ქრონიკული დაავადება არ აქვთ, თანდაყოლილიც განსაკუთრებული პათოლოგია არ აქვთ. ერთი არის ჩამოყვანილი „დელტა“ შტამით, მკურნალობდა სოხუმის კლინიკაში ხუთი დღე რა სუნთქვის უკმარისობით შემოვიდა, მეორე – ასევე ორი თვის ბავშვი, დაავადებიდან მეცხრე დღეს არის გადმოყვანილი, ისიც სუნთქვის უკმარისობის გამო. რაც შეეხება ახალშობილს, ეს ბავშვი ბინაზე იყო და ბინაზე მოხდა დაინფიცირება,”- განაცხადა მაია ჩხაიძემ.