უფლებადამცველი ბაია პატარაია საზოგადოებაში არსებულ პოლარიზაციასა და დაპირისპირებებზე წერს. მისი თქმით, საზოგადოების პატარა ჯგუფებისთვის გამაერთიანებელ საკითხებშიც კი ხშირად ურთიერთსაპირისპირო პოზიციებია და მათ გამო დაპირისპირებული ადამიანები იჩენენ ხოლმე თავს.
“პოლარიზაცია, ორპოლუსიანობა, მიშა-ბიძინა, ნაც-ქოცობა – რა საშინელებაა ესეთი დაპირისპირებებიო, ეგენი ერთმანეთს აცოცხლებენო, რას ქვია “შუა უნდა გაიკაფოსო”, რას გვიშვრება ეს მთავრობა+ოპოზიციაო – ქოთქოთებს ხოლმე ჩემი პრადვინუტი ბაბლი. პოლიტიკურ კლასს აბრალებენ ყველაფერს. გულით ნატრობენ საერთოსა და გამაერთიანებლის პოვნას, მაგრამ უცბად ან პრაიდი იქნება, ან კიდე რამე სხვა საკითხი და ისეთი დაპირისპირება იფეთქებს ხოლმე, ისეთი პოლარიზაცია და ისეთი გაშავთეთრება იწყება, რომ ბაბლი ბაბლს აღარ გავს და ფრენდი ფრენდს, წაშლან და მიაბლოკავენ ხოლმე ერთმანეთს უდიდესი ზიზღითა და გამიჯვნებით.
ჰოდა, სულ ცოტათი და სულ შემთხვევით ჩვენი ბრალიც ხომ არაა ასეთი პოლარიზაცია? ბნელებად და სვეტებად დაყოფა და დაუნდობელი გლეჯა ერთმანეთისა? არა? კაი, ჩემით გავალ, ყველაფერი ისევ კრემლს და ბიძინა-მიშას დავაბრალოთ, აბა, ჩვენი პასუხისმგებლობაც ხომ არ იქნება რამე?
პაკაააა…”, – წერს ბაია პატარაია.