ნაძალადევის რაიონში საყრდენი კედლების მშენებლობა გრძელდება. ინფრასტრუქტურული სამუშაოები დასრულდა მოლოკოვის ქუჩა N19-ში, სადაც 18-მეტრიანი კედელი მოეწყო და დამცავი ღობე დამონტაჟდა, ასევე, მიმდებარედ არსებული გზის საფარი რეაბილიტირდა.
შესრულებული სამუშაოები ნაძალადევის რაიონის გამგებელმა ირაკლი ხელაძემ თბილისის საკრებულოს მაჟორიტარ დეპუტატ მიხეილ ამაშუკელთან ერთად დაათვალიერა.
„ადგილობრივი მცხოვრებლების უსაფრთხოებისთვის მნიშვნელოვანი იყო ამ პროექტის განხორციელება. მიწის ჩამოშლის შედეგად ტერიტორია გამაგრებას საჭიროებდა. სამშენებლო სამუშაოების დასრულების შემდეგ მოსახლეობის საცხოვრებელი გარემო საფრთხისშემცველი აღარ არის“, – განაცხადა ირაკლი ხელაძემ.
მოლოკოვის ქუჩა N19-ში გრუნტის დამჭერი კედლის მოწყობისთვის ნაძალადევის რაიონის გამგეობამ 66 833 ლარი დახარჯა. გასულ წელს ანალოგიური სამუშაოები მოლოკოვის ქუჩა N10-შიც განხორციელდა.