როგორც ბასილი დიდი ბრძანებს: „ბოროტებას ნუ ჰკურნავ ბოროტებით, რამეთუ ბოროტება მხოლოდ სიყვარულით უნდა განიკურნოს, – ამის შესახებ ბათუმისა და ლაზეთის მიტროპოლიტმა, დიმიტრიმ ბათუმის საკათედრო ტაძარში ქადაგებისას განაცხადა.
იგი ბოლო დღეებში თბილისში განვითარებულ მოვლენებს გამოეხმაურა.
„სიტუაცია, ვნებათაღელვა ჩვენს ქვეყანაში არის საკმაოდ მაღალი. ჩვენ, ყველამ, განსაკუთრებით კი სასულიერო პირებმა, მაღალმა იერარქებმა, ყველაფერი უნდა გავაკეთოთ, რათა ეს ვნებათაღელვა ჩაცხრეს.
ის, რაც ჩვენ ამ დღეებში ვიხილეთ – საკუთარი უწესო, უზნეო, ბილწი ცხოვრების ქუჩაში ასე დემონსტრირება, ეს გარკვეულწილად ბოროტებაა. როგორც ბასილი დიდი ბრძანებს: „ბოროტებას ნუ ჰკურნავ ბოროტებით, რამეთუ ბოროტება მხოლოდ სიყვარულით უნდა განიკურნოს“, – განაცხადა მეუფე დიმიტრიმ.
კომენტარები