Johnson & Johnson-ის კორონავირუსის საწინააღმდეგო ვაქცინამ, სამხრეთ აფრიკაში, ვირუსის მძიმედ მიმდინარეობისა და სიკვდილისგან დაცვის მაღალი ეფექტიანობა გამოავლინა, – ამის შესახებ Reuters-ი წერს.
კვლევის თანახმად, მხოლოდ ერთი დოზით აცრილ ადამიანებს, ინფიცირების შემთვევაში, ვაქცინა სიკვდილისგან 91%-დან 96.2%-მდე იცავს. განსხვავებული მაჩვენებლებია ვირუსის „ბეტა“ და „დელტა“ ვარიანტებით ინფიცირებისას. პირველ შემთხვევაში, 57%-იანი ეფექტიანობა გამოვლინდა, მეორე ში კი 71%-იანი.
სამხრეთ აფრიკის რესპუბლიკაში უკვე 8.3 მილიონი ადამიანია აცრილი. სულ ქვეყნის მოსახლეობა 60 მილიონს აჭარბებს. თებერვლიდან მაისის ჩათვლით, J&J-ს ვაქცინით, ჯანდაცვის 477 234 მუშაკი აიცრა.
კომენტარები