მიგრანტთა ნაკადის გამო, ლატვიის მთავრობამ ბელარუსის საზღვარზე საგანგებო მდგომარეობა გამოაცხადა. ამის შესახბ საინფორმაციო სააგენტო France24 წერს.
გამოცემის ცნობით, საზღვართან დაწესებული საგანგებო მდგომარეობა 11 აგვისტოდან 10 ნოემბრამდე იმოქმედებს.
საგანგებო მდგომარეობა მოქმედებს ლუძას, კრასლავასა და აუგშდაუგავას რაიონებში, ასევე დაუგავპილსში.
სახელმწიფო მესაზღვრე უფლებამოსილია გამოიყენოს მათ განკარგულებაში არსებული პროცედურები და საშუალებები, რათა შეაფერხოს პირთა საზღვარზე გადასვლა. მესაზღვრეებს ასევე აქვთ უფლება გამოიყენონ ფიზიკური ძალა და სპეციალური საშუალებები.
კომენტარები