გიორგი გახარია: არანაირი მნიშვნელობა არ აქვს, რას დამიძახებენ მე – ერთ ნერვს ვერ გამიტოკებენ

„სამი რამ უნდა გვახსოვდეს – კეთილსინდისიერება, პროფესიონალიზმი და ღირსება – ფუნდამენტი, რაზე დაყრდნობითაც უნდა ვიშრომოთ და ვემსახუროთ ამ ქვეყანას.“
– ამ სიტყვებით მიმართა გიორგი გახარიამ საკუთარ მხარდამჭერებს თელავში.
„არანაირი მნიშვნელობა არ აქვს ჩვენი ოპონენტები რას იკადრებენ. ჩვენ უნდა ვიკადროთ ის – რასაც ვაკადრებთ ჩვენს თავს და ჩვენს ნებისმიერ მოქალაქეს. ეს უნდა იყოს ჩვენი პრინციპი. ამ პრინციპით გვიცხოვრია და გვიშრომია აქამდეც და ამ პრინციპით უნდა გავაგრძელოთ. არანაირი მნიშვნელობა არ აქვს, რას დამიძახებენ მე – ერთ ნერვს ვერ გამიტოკებენ, მარტივი მიზეზი გამო, იმიტომ, რომ მათი ქების ფასიც ვიცი და ლანძღვის ფასიც ძალიან კარგად ვიცი.“- განაცხადა გახარიამ.
პარტია „საქართველოსთვის“ თავჯდომარე გიორგი გახარია დღეს კახეთში იმყოფებოდა და პარტიის ახალი ოფისი გახსნა. გახარიას კახეთში ვიზიტს თან ახლდა ადგილობრივი ხელისუფლების მაღალი თანამდებობის პირებისა და სავარაუდოდ – სახელმწიფო უსაფრთხოების სამსახურის თანამშრომლების მიერ ადევნების, თვალთვალისა და მოსახლეობის დაშინების ფაქტები.