თალიბანის მიერ ავღანეთის პროვინციების დაკავების პარალელურად, ბურკის ფასი იზრდება, ვინაიდან ავღანელ ქალებს არ სურთ ისლამისტი დაჯგუფების სამიზნედ ქცევა.
ბურკა მთლიან სხეულსა და სახეს ფარავს. ფუნდამენტალისტი მუსლიმები ყურანში ორაზროვან მონაკვეთებს თავიანთი ინტერპრეტაციით განმარტავენ, რომლის მიხედვითაც ქალებს საჯარო სივრცეში მოეთხოვებათ, სრულად დაფარონ სხეული და სახე.
დღეს, 15 აგვისტოს, თალიბანის ძალებმა ქაბულის შემოგარენში მდებარე ბაგრამის ავიაბაზა აიღეს. კომპლექსი თალიბანის და ალ-ქაიდას წინააღმდეგ ბრძოლის დროს ერთ-ერთი მთავარი სამხედრო ობიექტი იყო.
გარდა ავიაბაზისა, კომპლექსის ნაწილია ციხე, როგორც BBC-ი წერს, ციხეში 5 000-მდე თალიბანის მებრძოლი იმყოფებოდა, რომლებიც დაჯგუფებამ გაათავისუფლა.
კომენტარები