ჟურნალისტი იმიტომ ითვლება მეოთხე ხელისუფლებად, რომ სხვა შტოების საქმიანობას იგი აკონტროლებს და ამჟღავნებს, – ასე ეხმიანება საგარეო საქმეთა ყოფილი მინისტრი სალომე ზურაბიშვილი ჟურნალისტ მერაბ მეტრეველის განცხადებას პოლიტიკაში წასვლასთან დაკავშირებით.
“ჟურნალისტი და პოლიტიკა..
ამ დღეებში მივიღეთ კიდევ ერთი (ბევრთა შორის) მაგალითი ჟურნალისტისა, რომელიც ემშვიდობება თავის პროფესიას და გადადის პოლიტიკაში, არა როგორც პრეს სპიკერი ან პრეს სამსახურის თანაშემწე, არამედ უშვალოდ პოლიტიკურ მოღვაწედ გვევლინება!… ეს “უცნაურობა”- სამწუხაროდ არ წარმოადგენს გამონაკლისს ჩვენ პოლიტიკურ ცხოვრებაში და პირიქით დამკვიდრდა უკვე რაღაც მიღებულ მანკიერ ფორმად, რომელიც პოლიტიკასაც და ჟურნალიზმსაც აკნეინებს …
ამ მანკიერ პრაკტიკის მიხედვით, თურმე შესაძლებელია, იყო წარმატებული ჟურნალისტი, იმ თვისებებით რასაც მოითხოვს ჟურნალიზმი- ანუ ობიექტური ანალიზის უნარი, მიუკერძოებლობის უმაღლესი სტანდარტი, ხელისუფლებისგან როგორც პარტიებისაგან ან კიდევ ფინანსურ სექტორისგან სრულიად დამოუკიდებელი … და ამავე დროს გახდე – თუნდაც დროებით- რომელიმე პარტიის წევრი ან ლიდერი- ანუ მხარედ იქცე !!!
ამ დროს ჟურნალისტურ პროფესიის ეთიკა მოითხოვს რომ ეს წესები ბოლომდე დაცული იყოს, რათა ჟურნალისტის დასაბუთებული ანალიზი ან გამოძიება არ დადგეს რამე ეჭვის ქვეშ… არ უნდა ჩნდებოდეს მკითხველ- მაყურებელის თვალში რამე კითხვის ნიშანი ჟურნალისტის ობიექტურობის მიმართ ან ეჭვი რომ იგი რამე სხვა მიზანს ემსახურება გარდა სიმართლის ძიებისა და მის გამომჟღავნებისა… ამიტომაც იქ სადაც დამკვიდრდა ჟურნალისტიკური ეთიკა, ეს დისტანცია ჟურნალისტის და პოლიტიკის შორის ითვლება როგორც ქკვაკუთხედი ამ პროფესიისა, ერთის მხრივ დიდი სიმკაცრით დაცულია თვით პროფესიონალურ კავშირების მიერ, და ასევე საზოგადოების მხრიდან სრულიად გაზიარებულია.
დისტანცია ნიშნავს თუნდაც იმას, რომ პოლიტიკოსის მეუღლეც ვერ იმუშავებს პოლიტიკურ ჟურნალისტად ან კიდევ რომ ჟურნალისტიარ უნდა იყოს ბიზნეს ინტერესებთან ოჯახური ან საქმიანი ინტერესებით დაახლოებული.
მაგალითისითვის შეიძლება გავიხსენოთ, რომ -Valerie Treiweiller-i Paris Match-ის დიდი ხნის პოლიტიკური ჟურნალისტი გადაიყვანეს არა პოლიტიკურ რუბრიკის ხელმძღვანელად, როცა გახდა საფრანგეთის პრეზიდენტი ჰოლანდის მეგობარი და საცოლე; Christine Ockrents ასევე წარმატებული პოლიტიკური ტალკ შოუს წამყვანს, დაუხურეს გადაცემა როცა მისი მეუღლე დაინიშნა ჯანდაცვის მინისტრად და ასეთი უამრავი მაგალითი მოიპოვება …. ეს იმას ნიშნავს რომ დისტანცია შენარჩუნებული უნდა იყოს ყველანაირად, და მითუმეტეს პირდაპირი პოლიტიკურ აქტიობა გამორიცხული …
ჩვენთან კი მიდიან მოდიან ჟურნალიზმიდან პოლიტიკაში და პოლიტიკიდან ჟურნალიზმში, ვითომც ერთი იყოს მეორე პროფესიის მოსამზადებელი პედესტალი და წარუმატებლობის შემთხვევაში უბრუნდებიან ჟურნალიზმს …ისე რომ არც ესმით რომ ერთშიც და მეორეშიც იმთავითვე მიღებული აქვთ სრული დისკვალიფიკაცია.
… ჟურნალისტი იმიტომ ითვლება მეოთხე ხელისუფლებად რომ სხვა შტოების საქმიანობას იგი აკონტროლებს და ამჟღავნებს… თუ ჟურნალისტი პოლიტიკისგან დისტანციას არ ინარჩუნებს, თუ ირევა და ერევა მის საქმიანობაში, არც მაკონტროლებლად, არც ანალიტიკოსად აღარ ვარგა და დაკარგული აქვს ის რაც წარმოადგენს ერთიც და მეორესი ღირებულებას…ანუ ნდობას!”, – წერს სალომე ზურაბიშვილი.
