მედიის ცნობით, ქაბულის აეროპორტიდან აფრენილ აშშ-ს საჰაერო ძალების С-17-ის ასაკეცი ბორბლების მექანიზმში ადამიანის ცხედარი იპოვეს.
გუშინ, 16 აგვისტოს, როდესაც ამერიკული თვითმფრინავი ევაკუაციის მისიას ასრულებდა და უკვე ასაფრენ ბილიკზე სიჩქარეს იკრებდა, ავღანელები თვითმფრინავზე ასვლას ცდილობდნენ. მათ ქვეყნის დატოვება თალიბანის საფრთხის გამო სურდათ. გავრცელდა ვიდეოც, რომელშიც ჩანს, თუ ცაში აფრენილი თვითმფრინავიდან როგორ ვარდება ორი ადამიანი, რომელიც მას გარედან ებღაუჭებოდა.
აეროპორტში არსებული ქაოსის დროს გარდაიცვალა 7 ადამიანი. ზუსტად არ არის ცნობილი ყველა ადამიანის სიკვდილის მიზეზი.
კომენტარები