მედიის ცნობით, ავღანეთიდან ამ დრომდე ევაკუირებულია 18 000 ადამიანი. ამის შესახებ სააგენტო „როიტერს“ ნატო-ს ოფიციალურმა პირმა განუცხადა.
მიუხედავად ამისა, აეროპორტის მისადგომებთან კვლავ ხალხმრავლობაა. ავღანელების ნაწილს სურს, დროულად დატოვოს ქვეყანა და თალიბანის მმართველობას დააღწიოს თავი.
შეგახსენებთ, რომ თალიბებმა ავღანეთის დედაქალაქი 15 აგვისტოს დაიკავეს. ქაბულის აეროპორტს კი ამერიკელი, ბრიტანელი და თურქი სამხედროები აკონტროლებენ. აეროპორტიდან გრძელდება უცხოელი მოქალაქეებისა და ავღანელების ევაკუაცია.
კომენტარები