პატივცემულო ბატონო პრემიერ-მინისტრო, პატივცემულო ქალბატონებო და ბატონებო, პატივცემულო კოლეგებო, უკრაინასა სა საქართველოს მრავალსაუკუნოვანი მეგობრობა აკავშირებთ. კეთილმეზობლური ურთიერთობა ხალხებს შორის, რომელიც ერთობლივ ინტერესებსა და ფასეულობებს ემყარება. მინდა მივულოცო ბატონ პრემიერ მინისტრს პირველი ოფიციალური ვიზიტი უკრაინაში და მინდა მადლობა გადავუხადო, რომ დამთანხმდა მონაწილეობა მიიღოს ყირიმის პლატფორმის საინაუგურაციო სამიტში, – ამის შესახებ უკრაინის პრემიერ-მინისტრმა, დენის შმიგალმა ირაკლი ღარიბაშვილთან გამართული შეხვედრის შემდეგ ბრიფინგზე განაცხადა.
„დარწმუნებული ვარ, რომ ჩემი კოლეგის, ირაკლი ღარიბაშვილის ვიზიტი შესაძლებლობას მოგცემს ფოკუსირება მოვახდინოთ ჩვენი პრაქტიკული ნაბიჯების განხილვაზე, ჩვენს ქვეყნებს შორის სტრატეგიული თანამშრომლობის გაძლიერებისთვის. გვქონდა საშუალება განგვეხილა ქართულ-უკრაინული ურთიერთობების ყველა ასპექტი, უსაფრთხობა, ვაჭრობისა და ეკონომიკის სფეროში თანამშრომლობა და ა.შ. მინდა მადლობა გადავუხადო საქართველოს უკრაინის ტერიტორიული მთლიანობისა და სუვერენიტეტის ურყევი მხარდაჭერისთვის, ასევე რუსეთის მიერ ყირიმის უკანონო ანექსიის არაღიარებისთვის, დონბასზე რუსეთის აგრესიის დაგმობისთვის და ასევე, დროებით ოკუპირებულ ტერიტორიებზე ადმიანის უფლებების დაცვასთან დაკავშირებული აქტიური პოზიციისთვის. რუსეთიდან გაძლიერებული ზეწოლის პირობებში ჩვენ ყოველთვის ვგრძნობდით საქართველოს მხარდაჭერას, რომელიც ახალ არის ძალიან ძვირფასი და ღირებული. დარწმუნებული ვარ, რომ საქართველოს მონაწილეობა ყირიმის პლატფორმის სამიტზე შესაძლებლობას მოგვცემს, რომ საერთაშორისო თანამეგობრობის ყურადღება გავამახვილოთ კონსოლიდირებული ძალისხმევის მნიშვნელობაზე აფხაზეთის რეგიონის, ცხინვალისა და სამხრეთ ოსეთის დეოკუპაციისთვის“, – განაცხადა დენის შმიგალმა.