საქართველო და უკრაინა აგრძელებენ სტრატეგიული პარტნიორობის ყველა მიმართულების განვითარებას, – ამის შესახებ უკრაინის პრემიერ-მინისტრმა, დენის შმიგალმა საქართველოს მთავრობის მეთაურთან, ირაკლი ღარიბაშვილთან ერთად გამართულ ბრიფინგზე განაცხადა.
მისი თქმით, ევროინტეგრაციის მიმართულებაზე თანამშრომლობის ძალიან მჭიდრო მექანიზმი გახდა ასოცირებული ტრიოს – უკრაინა, საქართველო, მოლდოვას ფორმატის საქმიანობის დაფუძნება.
„ჩვენ დეტალურად განვიხილეთ ჩვენი ქვეყნების ურთიერთობა საერთაშორისო დონეზე. კერძოდ, განვიხილეთ ერთობლივი ნაბიჯების მიმართულებით კოორდინაცია, რათა დავაჩქაროთ საქართველოსა და უკრაინის მიერ ევროკავშირსა და ნატოში სრულფასოვანი წევრობის მოპოვება. ჩვენთვის ასევე პრიორიტეტულია ის საკითხები, რომლებიც უკავშირდება ნატოსთან თანამშრომლობის მექანიზმების გაღრმავებას და ჩვენი ქვეყნების შავ ზღვაში უსაფრთხოებასთან დაკავშირებით. ევროინტეგრაციის მიმართულებაზე თანამშრომლობის ძალიან მჭიდრო მექანიზმი გახდა ასოცირებული ტრიოს – უკრაინა, საქართველო, მოლდოვას ფორმატის საქმიანობის დაფუძნება. ეს მოხდა სახელმწიფო მეთაურების დონეზე და ასევე მნიშვნელოვანი გახდა შესაბამისი დეკლარაციის ხელმოწერა, რაც ქალაქ ბათუმში 19 ივლისს განხორციელდა. საქართველო და უკრაინა აგრძელებენ სტრატეგიული პარტნიორობის ყველა მიმართულების განვითარებას, ასეთი მუშაობის პირველი შედეგები, იმედი მაქვს, განხილული იქნება უმაღლესი დონის სტრატეგიული საბჭოს საინაოგურაციოსხდომის დროს, 2021 წლის ბოლოს“, – განაცხადა უკრაინის პრემიერ-მინისტრმა.