ანგელა მერკელის თქმით, გერმანია მხარს დაუჭერს რუსეთისთვის დამატებითი სანქციების დაწესებას თუ მოსკოვი გაზსადენს „ჩრდილოეთის ნაკადი 2“ იარაღად გამოიყენებს. ამის შესახებ გერმანიის კანცლერმა კიევში, უკრაინის პრეზიდენტ ვოლოდიმირ ზელენსკისთან შეხვედრის შემდეგ გამართულ ბრიფინგზე განაცხადა.
„გაზი არ უნდა გამოიყენებოდეს როგორც გეოპოლიტიკური იარაღი“, – აღნიშნა მერკელმა.
თავის მხრივ, უკრაინის პრეზიდენტმა მერკელს მხარდაჭერისთვის მადლობა გადაუხადა და რეგიონში მშვიდობის მიღწევის მიზნით რუსეთზე ზეწოლის გაძლიერებისკენ მოუწოდა.
კომენტარები