როდესაც ვაქცინაციის ცენტრში მიდის ადამიანი, მას უსვამენ რამდენიმე კითხვას. ეს „ჩეკლისტი“ შექმნილია ვაქცინების ანოტაციიდან, რომელსაც მწარმოებელი გვაწვდის. ჩინურ ვაქცინას უწერია, რომ მეძუძურობა და ორსულობა არის უკუჩვენება. რაც შეეზება „ფაიზერს“ და „ასტრაზენეკას“ უწერია მხოლოდ სიფრთხილე. სიფრთხილის ზონა სხვა რამეა და უკუჩვენება სხვა, – ამის შესახებ იმუნოლოგ-ალერგოლოგმა ბიძინა კულუმბეგოვმა „იმედის დილაში“ ისაუბრა.
„წერია, რომ რისკი სარგებლის მიხედვით უნდა გადაწყვიტოს, აკრძალული არ არის. 100 ათასობით ქალი არის აცრილი მეძუძურიც და ორსულიც. კვლევა გამოქვეყნდა, რომ უკვე 700 ბავშვი დაიბადა, რომელიც აცრილმა ქალმა გააჩინა, და 1 განვითარების დეფექტი ან რაიმე პრობლემა არ დაფიქსირებულა. ჯერჯერობით დასავლური ვაქცინების ნებართვა არსებობს. ძუძუში, ანუ რძეში ვაქცინა არ გადადის თუმცა ანტისხეულები გადადის, იფილტრება და საუკეთესოა“, – ბიძინა კულუმბეგოვი.