რადიკალური მოძრაობა „თალიბანის“ მაღალჩინოსანმა, შერ მუჰამედ აბას სტანიკზაიმ განაცხადა, რომ მოქმედი საბუთების მქონე ავღანელები მომავალში საზღვარგარეთ მოგზაურობას ნებისმიერ დროს შეძლებენ.
„ავღანეთის საზღვრები ღია იქნება და ხალხს ნებისმიერ დროს შეეძლება მოგზაურობა“, – აღნიშნა „თალიბანის“ პოლიტიკური კომისიის ხელმძღვანელის მოადგილემ, შერ მუჰამედ აბას სტანიკზაიმ.
„თალიბანის“ მაღალჩინოსანმა ავღანელებს გაერთიანებისა და ქვეყნის აღდგენისკენ მოუწოდა.
„მომზადებულია ფუნდამენტი ექიმებისთვის, ინჟინრებისა და მასწავლებლებისთვის – ყველა პროფესიის ადამიანებისათვის, იქნება ეს სამოქალაქო თუ სამხედრო პირი. ყველას ვეპატიჟებით“, – განაცხადა მან.
შერ მუჰამედ აბას სტანიკზაიმ ასევე აღნიშნა, რომ „თალიბანი“ მიესალმება იმ ქვეყნების დახმარებას, რომელთაც ავღანეთში პოზიტიური როლის შესრულება სურთ, თუმცა ავღანეთის შიდა საქმეებში ჩარევა დაუშვებელია.