ავღანეთში ცხოველთა თავშესაფრის დამფუძნებელმა ბრიტანელმა ქვეყანა თავის ძაღლებსა და კატებთან ერთად დატოვა. ამის შესახებ BBC წერს.
გამოცემის ინფორმაციით, პოლ „პენ“ ფარსინგი უკვე ბრიტანეთშია. მან თან 100-მდე ძაღლისა და 70-მდე კატის ჩაყვანა შეძლო. ცხოველების ჯანმრთელობას არაფერი ემუქრებათ. ამასთან, ფარსინგივერ დაეხმარა თავშესაფრის თანამშრომლებს, თუმცა უნდოდა რომ ავღანეთიდან ისინი და მათი ოჯახებიც წასულიყვნენ.
ფარსინგი ყოფილი სამხედროა და თავშესაფრის დაარსებამდე ავღანეთში მსახურობდა. ქაბულის დაცემის შემდეგ მან თავშესაფრის თანამშრომლებისა და ცხოველების ევაკუაციისთვის კამპანია წამოიწყო, სახელწოდებით „ოპერაცია კიდობანი“, თუმცა დასაქმებულების ავღანეთიდან გაყვანა ვერ მოახერხა.
ამასთან, ბრიტანეთის თავდაცვის მინისტრმა, ბენ უოლესმა აღნიშნა, რომ ფარსინგისმხარდამჭერებმა მის უწყებას ბევრი დრო წაართვეს, საგარეო საქმეთა კომიტეტის თავმჯდომარემ, ტომ ტუგენდჰტმა კი განაცხადა:
„ხალხის აეროპორტამდე მიყვანა გვიჭირს, მაგრამ ბევრი სამხედრო იმით იყო დაკავებული, რომ იქ 200-მდე ცხოველი მიიყვანა. ამასობაში კი ჩემი თარჯიმნის ოჯახს კი სავარაუდოდ მოკლავენ. ერთ-ერთმა თარჯიმანმა რამდენიმე დღის წინ მკითხა: „რატომ არის თქვენი ძაღლის სიცოცხლე ჩემის 5 წლის შვილის სიცოცხლეზე ძვირფასი?“