სოციალური პლატფორმა Facebook-ი ბოდიშს იხდის „აშკარად მიუღებელი შეცდომისთვის“, რომელიც სახის ამოცნობის ფუქნციას უკავშირდება, – ამის შესახებ Al Jazeera წერს.
საქმე ეხება Daily Mail-ის მიერ Facebook-ზე გამოქვეყნებულ ვიდეოს, რომელშიც ფერადკანიანი კაცი ჩანს. სოციალური ქსელის სახის ამოცნობის პროგრამულმა უზრუნველყოფამ, რომელიც, ავტომატურად, მომხმარებლებს უკვე ნანახის მსგავს ვიდეოებსაც სთავაზობს, ვიდეოს დააწერა: „ნახეთ სხვა ვიდეოებიც პრიმატებზე“.
აღსანიშნავია, რომ ვიდეოს არანაირი კავშირი არ აქვს მაიმუნებთან – შიმპანზეებთან ან გორილებთან. სოციალურმა ქსელმა, სახის ამოცნობის ფუნქციაზე დაფუძნებული რეკომენდაციის კატეგორია ვიდეოდან უკვე წაშალა.
კომენტარები