აშშ-ს ახალი ცივი ომი არ სურს, – განაცხადა აშშ-ის პრეზიდენტმა, ჯო ბაიდენმა გაეროს გენერალური ასამბლეის 76-ე სესიაზე სიტყვით გამოსვლისას.
„ჩვენ არ გვსურს ახალი ცივი ომი ან ბლოკებად დაყოფილი მსოფლიო. აშშ მზად არის, ნებისმიერ სახელმწიფოსთან იმუშაოს, რომელიც მხარს უჭერს და ცდილობს მშვიდობიანი გზით გადაჭრას საერთო გამოწვევები, თუნდაც სხვა სფეროებში უთანხმოება გვქონდეს“, – აღნიშნა ჯო ბაიდენმა.
20 სექტემბერს გაეროს გენერალურმა მდივანმა, ანტონიო გუტერეშმა ჩინეთსა და აშშ-ს მოუწოდა, ახალი ცივი ომი თავიდან აიცილონ.
ანტონიო გუტერეშის თქმით, ორი დაპირისპირებული გეოპოლიტიკური და სამხედრო სტრატეგია საფრთხეს შეუქმნის და გაჰყოფს მსოფლიოს.
„ჩვენ თავიდან უნდა ავიცილოთ ცივი ომი, რომელიც წარსული ცივი ომისგან განსხვავებული და ალბათ, უფრო საშიში და უფრო ძნელად სამართავი იქნება“, – აღნიშნა გაეროს გენერალურმა მდივანმა.