ორი ქვეყნის დიპლომატიური ურთიერთობების ისტორიაში პირველად, თბილისს ხვალ ოფიციალური ვიზიტით მონტენეგროს პრეზიდენტი, მილო ჯუკანოვიჩი ეწვევა, – ამის შესახებ ინფორმაციას საქართველოს პრეზიდენტის ადმინისტრაცია ავრცელებს.
მათივე ინფორმაციით, მონტენეგროს პრეზიდენტის დახვედრის ოფიციალური ცერემონია ორბელიენების სასახლეში გაიმართება, რის შემდეგაც დაგეგმილია საქართველოს პრეზიდენტთან შეხვედრა პირისპირ და გაფართოებული შემადგენლობით.
საქართველოსა და მონტენეგროს პრეზიდენტები შეხვედრაზე განხილული საკითხების შესახებ პრესისათვის ერთობლივ განცხადებებს გააკეთებენ.
ვიზიტის ფარგლებში, მონტენეგროს პრეზიდენტი საქართველოს ერთიანობისათვის ბრძოლაში დაღუპულ გმირთა მემორიალს გვირგვინით შეამკობს და პრემიერ-მინისტრ ირაკლი ღარიბაშვილთან პირისპირ და გაფართოებული შემადგენლობით შეხვედრას გამართავს.
საქართველოს პრეზიდენტის, სალომე ზურაბიშვილის სახელით, მონტენეგროს პრეზიდენტის მილო ჯუკანოვიჩისპატივსაცემად, ორბელიანიების სასახლეში, ოფიციალური სადილი გაიმართება.