მოსკოვის დიდ თეატრში ოპერა „სადკო“ იდგმებოდა, რა დროსაც სასცენო დეკორაცია დაეშვა და ქვეშ 37 წლის მსახიობი – ევგენი კულეში მოიყოლა. ის ადგილზევე დაიღუპა, – ამის შესახებ BBC წერს.
არსებული ინფორმაციით, მსახიობს მიმართულება აერია და იქ დადგა, სადაც ახალი დეკორაცია უნდა დაშვებულიყო.
გავრცელდა ვიდეოკადრები, რომელშიც სხვა შემსრულებლების ყვრილი ისმის. ისინი ტექნიკურ ჯგუფს კონსტრუქციის აწევას სთხოვენ. წარმოდგენა მაშინვე შეწყდა და მაყურებელს დარბაზი დაატოვებინეს.
არსებული ინფორმაციით, დეკორაცია დაახლოებით 2 ტონას იწონის.
ეს არაა პირველი შემთხვევა, როცა მოსკოვის დიდ თეატრში შემსრულებელი დაიღუპა. 2013 წელს, მევიოლინე ვიქტორ სედოვის დაღუპვის მიზეზი ორკესტრის ორმოში ჩავარდნა გახდა.
კომენტარები