არავაქცინირებულ პირებში კორონავირუსით გარდაცვალების რისკი 11-ჯერ უფრო მეტია, ვიდრე სრულად ვაქცინირებულ პირებში. აღნიშნულს აშშ-ის დაავადებათა კონტროლისა და პრევენციის ცენტრის (CDC) კვლევის შედეგები ცხადყოფს.
გარდა ამისა, კვლევის შედეგების თანახმად, არავაქცინირებულ პირებს ინფიცირების რისკი 6-ჯერ უფრო მეტი აქვთ, ვიდრე სრულად ვაქცინირებულ პირებს.
კვლევა ჯანდაცვის 16 დეპარტამენტის მონაცემებს ეყრდნობა, რაც აშშ-ის მოსახლეობის 30%-ს შეადგენს.
უწყებაში აღნიშნავენ, რომ კვლევის შედეგები ხაზს უსვამს იმას, რომ ვაქცინა სიკვდილისა და ჰოსპიტალიზაციის წინააღმდეგ დაცვას უზრუნველყოფს.
კომენტარები