შალვა პაპუაშვილი „კანონი და სამართლის“ ლიდერის, თაკო ჩარკვიანის განცხადებას გამოეხმაურა, რომელმაც აღნიშნა: „მომხრე ვარ, საქართველოში მოხდეს კონსტიტუციური აჯანყება“.
საპარლამენტო უმრავლესობის წევრის თქმით, თაკო ჩარკვიანი ამბობს იმას, რასაც სხვები ფიქრობენ, გეგმავენ და უნდათ, განახორციელონ.
„თაკო ჩარკვიანი არის ყველაზე გულწრფელი ადამიანი ოპოზიციაში. ის ამბობს იმას, რასაც სხვები ფიქრობენ, გეგმავენ და უნდათ, განახორციელონ. ჩვენ ეს ვნახეთ მიხეილ სააკაშვილის შემოყვანით. სწორედ ეს იყო გეგმა, აჯანყება, ჯანყი, გადატრიალება. თაკო ჩარკვიანი რასაც საუბრობს, ეს არის ის, რაზეც დიდი ხანია, ვაფრთხილებთ ჩვენს საზოგადოებას, რომ „ნაციონალურ მოძრაობას“ არეულობის გარდა სხვა გზა არ აქვს, რომ მიიღოს ძალაუფლება, რადგან დემოკრატიულ პროცესში მას ხალხი არ აძლევს ხმას და ხელისუფლების მანდატს. ამიტომ, რა თქმა უნდა, ისინი გეგმავენ არეულობას, ჯანყს და სხვა არაკანონიერ ქმედებებს“, – განაცხადა შალვა პაპუაშვილმა.
„კანონი და სამართლის“ ლიდერმა, თაკო ჩარკვიანმა განაცხადა: „მომხრე ვარ, საქართველოში მოხდეს კონსტიტუციური აჯანყება, აჯანყება მრავალათასიან ტალღას გულისხმობს, მოედანზე დარჩენით, ჩანაცვლებით, იქ ყოფნით“.