„გირჩის“ წევრის ალექსანდრე რაქვიაშვილის შეფასებით, აჯანყებასთან დაკავშირებული განცხადება სერიოზული არ არის.
მისივე თქმით, როგორც ჩანს, თაკო ჩარკვიანს „ნაციონალურ მოძრაობაში“ არავინ უსმენს და არ ფიქრობს, რომ ამ განცხადებას რაღაც განსაკუთრებული გავლენა ექნება პოლიტიკურ გარემოზე.
„ქალბატონი თაკო უკვე მერამდენეჯერ აცხადებს აჯანყებას, მგონი, მის შემთხვევაში ეს ჩვეულებრივი ამბავია. არაფერი ამის იქით სერიოზული არ არის, გარდა იმისა, რომ შეიძლება, დამატებით საბაბი მივცეთ „ქართულ ოცნებას“ და თქვას, აი, ნახეთ, „ნაციონალური მოძრაობა“ რევოლუციას ამზადებს, და კიდევ, სიტუაციის დაძაბვისთვის იყოს გამოყენებული. მაგრამ, როგორც ჩანს, თაკო ჩარკვიანს „ნაციონალურ მოძრაობაში“ არავინ უსმენს და არ მგონია, რაღაც განსაკუთრებული გავლენა იქონიოს პოლიტიკურ გარემოზე“, – განაცხადა ალექსანდრე რაქვიაშვილმა.