პატიმრობაში მყოფი მიხეილ სააკაშვილი ადვოკატის დახმარებით კიდევ ერთ მიმართვას ავრცელებს.
„მინდა იცოდეთ, რომ ჩემი სიცოცხლის გაგრძელება მთლიანად მიბმულია თქვენს ხვალინდელ გადაწყვეტილებასა და საქართველოს გამარჯვებაზე“, – ნათქვამია პატიმრის მიმართვაში, რომლიც მედიას ადვოკატებმა გააცნეს.
დღესვე ცნობილი გახდა, რომ სააკაშვილი კვლავ ცვლის გადაწყვეტილებას და ამბობს, რომ დღეიდან უარს ამბობს შიმშილობის შემამსუბუქებელ მკურნალობაზე და არც ანალიზებს ჩააბარებს.
გუშინ ყოფილი პრეზიდენტის ადვოკატმა განაცხადა, რომ სააკაშვილი თანახმაა მკურნალობასა და ექიმებთან თანამშრომლობაზე.
საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. პატიმრობაში მყოფმა სააკაშვილმა შიმშილობა გამოაცხადა, მხარდამჭერები კი ყოფილი პრეზიდენტის გათავისუფლებას ითხოვენ. სააკაშვილის ადვოკატები და სახალხო დამცველი ყოფილი პრეზიდენტის სამოქალაქო საავადმყოფოში გადაყვანას ითხოვენ, იუსტიციის სამინისტრო კი აცხადებს, რომ #18 სასჯელაღსრულების (სამკურნალო) დაწესებულებაში სააკაშვილის მკურნალობისთვის ყველა აუცილებელი პირობა არსებობს.