„ნაცმოძრაობისა“ და გაერთიანებული ოპოზიციის მთავარი სლოგანი და შემაჯამებელი გზავნილი გახდა ქალბატონი ნინო ბურჯანაძე, რომელიც მათ წარდგენაზეც იმყოფებოდა და სიტყვითაც მიმართა ამომრჩეველს. სწორედ ეს რუსული ნარატივია ის მომავალი, რომელსაც „ნაცმოძრაობა“ და გაერთიანებული ოპოზიცია ამომრჩეველს ჰპირდება, – ამის შესახებ ტელეკომპანია „იმედის“ გადაცემაში „იმედი LIVE“ „ქართული ოცნების“ ქუთაისის მერობის კანდიდატმა, იოსებ ხახალეიშვილმა განაცხადა.
„ქუთაისში არის გამარჯვების მოლოდინი. მე და ჩემი გუნდი მზად ვართ იმისთვის, რომ ხვალ კიდევ ერთხელ დავადასტუროთ, რომ დღეს „ქართულ ოცნებას“ ალტერნატივა არ აქვს. მთელი საარჩევნო კამპანიის განმავლობაში ოპონენტები იყენებდნენ სიძულვილის ენას, იყო პირადი შეურაცხყოფა, ღირსების შელახვა – რითაც ისინი არიან ცნობილები. მე მივმართე სასამართლოს ჩემი ღირსების დასაცავად, ანალოგიური ნაბიჯი გადადგეს ჩემმა კოლეგებმაც, რომელთა მიმართ ასევე განხორციელდა ცილისმწამებლური კამპანია. დარწმუნებული ვარ, რომ ქუთაისი კარგად ხედავს, თუ ვინ რისი გამკეთებელია. ჩვენ გვაქვს ჩვენი მხარდამჭერების იმედი. ერთხელ და საბოლოოდ უნდა დავამთავროთ სიძულვილის ენა, პირადი შეურაცხყოფის პრაქტიკა და ერთად ვიზრუნოთ ქალაქის უკეთეს მომავალზე. „ნაცმოძრაობისა“ და გაერთიანებული ოპოზიციის მთავარი სლოგანი და შემაჯამებელი გზავნილი გახდა ქალბატონი ნინო ბურჯანაძე, რომელიც მათ წარდგენაზეც იმყოფებოდა და სიტყვითაც მიმართა ამომრჩეველს. სწორედ ეს რუსული ნარატივია ის მომავალი, რომელსაც „ნაცმოძრაობა“ და გაერთიანებული ოპოზიცია ამომრჩეველს ჰპირდება. მათ ასევე ჰქონდათ ისეთი დაპირებები, რომლებსაც რეალობაში ასრულება არ უწერია, ვინაიდან კანონმდებლობა არც კი იცნობს ასეთ თემებს – მაგალითად შერიფთან დაკავშირებული დაპირება, რომელიც უკვე ქილიკისა და იუმორის საგნად იქცა“, – აცხადებს იოსებ ხახალეიშვილი.