პრაქტიკულად არის მონაცემები, რომლის მიხედვითაც ჩვენ ოცივე საარჩევნო ოლქში ვიმარჯვებთ, მაგრამ რა თქმა უნდა, ველოდებით საბოლოო მონაცემების გამოცხადებას და ამას ჩვენ ყველანი ერთად გავიგებთ, – ამის შესახებ „ქართული ოცნების“ აღმასრულებელმა მდივანმა პარტიის ოფისში გამართულ ბრიფინგზე განაცხადა.
მან ბრიფინგზე „ნაციონალური მოძრაობის“ გეგმებზეც ისაუბრა.
„პირველი მონაცემი, რაც ჩვენთან ინფორმაცია შემოვიდა, არის ხელვაჩაურიდან. „ნაცმოძრაობის“ კანდიდატი რამდენიმე მხარდამჭერთან ერთად გეგმავს შევარდეს რამდენიმე საარჩევნო უბანზე და ხელი შეუშალოს ხმების დათვლის პროცესს. ვაფრთხილებ ყველას მკაცრად: ნურავინ ეცდება ასეთ სიგიჟეებს. წაგებასაც ღირსეული შეხვედრა უნდა. კი, მართალია, საქართველო ალბათ ერთადერთი ქვეყანაა, სადაც გამარჯვებულიც და დამარცხებულიც ზეიმობს და ყველა გამარჯვებულია, მაგრამ მართლა ყველა გამარჯვებულია, რადგან „ნაცმოძრაობის“ მომხრეებიც გამარჯვებულები არიან, რადგან ისინი იცხოვრებენ რეალურად ისეთ ქვეყანაში, რომელიც პროგრესისკენ და ევროპისკენ ილტვის“, – განაცხადა მდინარაძემ.