მელია გამოძვრა ნაცოფისიდან, მიქანდა ხაზარაძის გაქათქათებულ ოფისში და სულ უკუღმა ჰყარა ქოშები, – ამის შესახებ ჟურნალისტი ამირან ბუთურიშვილი სოციალურ ქსელში წერს.
“მელია აბობოქრდა…
ნაცმოძრაობამ მხოლოდ ერთ (წალენჯიხის) მუნიციპალიტეტში მოახერხა გამგებლის არჩევა. მელია გამოძვრა ნაცოფისიდან, მიქანდა ხაზარაძის გაქათქათებულ ოფისში და სულ უკუღმა ჰყარა ქოშები (დორბლებს სხვა ჰყრის ხოლმე), ეს არ იყოო არჩევნები, ივანიშვილმა ამ ქავეყანაში გააუქმაო არჩევნები, ჩვემს უცხოელ მეგობრებს (უცხოეთშიც ჰყოლია ასეთები) უკვე ვაცნობე (ჩაუშვა ივანიშვილი) ყველაფერი და ვიწყებთო ბრძოლას, გეგმებს 31 ოქტომბერს გაგაცნობთო, მოემზადეთო, ბრძოლა იქნება უკომპრომისოო.
ვინ უნდა მოემზადოს, ან რა იგულისხმება მომზადებაში? ისევ თბილისში უნდა ჩამოიყვანოს მხარდამჭერები? ამას რა მომზადება უნდა, დაიქირავე მარშრუტკები, დაარიგე ფული, მოიმარაგე საჭმელი, კარვები, მიკროფონები უხვად გაქვთ, ტელევიზიები რამდენიც გინდა, ყველაფერი მზადაა. არა? აა, უკომპრომისობაში სხვა რამ იგულისხმება? და რა იგულისხმება, ხელისუფლების ძალადობრივად შეცვლა, ანუ დამხობა? არა? მაშ რა? შეკრიბავ ხალხს რუსთაველზე, გაშლი კარვებს და ხელისუფლება თვითონ გაიქცევა? კონგრესიდან და ევროპარლამენტიდან იყვირებენ შეშფოთებულები (მაგათ ხომ კარგად დაამუღამეს შეშფოთება)? არა? აბა რა? აა, კი არ შეშფოთდებიან, არამედ აღშფოთდებიან? არც ასე? აბა როგორ?”, – წერს ამირან ბუთურიშვილი.
